Það var sannkallaður heiður þegar haft var samband og okkur tilkynnt að Giljaböðin hefðu ásamt 13 öðrum útvöldum ferðamannastöðum í heiminum fengið úthlutunina "The World’s Greatest Travel Experiences for 2022" hjá Culture Trips.
Verðlaunin setja ákveðin gæðastimpil á Giljaböðin en það eru sérfræðingar í ferðaþjónustu sem að sjá um val þeirra staða sem fá úthlutunina.
Giljaböðin eru einstakur baðstaður að heimsækja þar sem mikil áhersla er lögð á gæði og fagmennsku. Farið er frá Húsafelli í fylgd staðkunnugs leiðsögumanns sem að tekur ferðamanninn í stutta gönguferð á leiðinni í böðin. Lögð er áhersla á að segja sögu svæðisins og baðanna. Hámarks stærð hóps hverju sinni er 16 manns og þannig verður baðferðin persónulegri og upplifunin sterkari.
.jpg)
