Langjökull

Það eru um 18 km. frá Húsafelli að Langjökli sem er næst stærsti jökull landsins.Við jökulræturnar er Afþreyingafélagið með ferðir á jökulinn. Skálinn er í um 800 metra hæð yfir sjó en þaðan er fallegt útsýni yfir sveitina og fjöllin í kring. Ferðirnar eru bæði farnar á snjóbílum og vélsleðum. Á góðum degi er útsýnið af jöklinum óviðjafnanlegt en rigning og þokudagar bjóða ekki upp á síðri lífsreynslu því að þá er dulúðin og tilfinningin fyrir viðáttum jökulsins einna mögnuðust.